Unsaon Ta Man

Sa unang pagliso sa akong liog sa dapit nga ikaw gaduwa'g basketbol
Dili ko na mahitataw pa ning akong pagbati
Sa matag tulo sa imong singot gikan sa imong agtang ngadto sa imong suwang
Mao pud ang pagkahulog sa akong kasing-kasing nganha kanimo

Tulo na ka tuig ang nilabaw gikan nianang panghitabu-a
Apan wala bisag usa ka gintang na pagbag-o
Nigrabe lang ang imong kaanyag ug kabug-at
Bug-at na kaayo ka apan igo gihapon kaayo ka sa akong dughan.

Makalagot huna-hunaon na dagha'g babaye ang nag-apas kanimo
Kay tungos sila hitsuraan man ug ako. . . ambot lang
Kinsa ba diay ang dili magkagusto sa susama kanimo?
Buotan, gwapo, macho ug brayt pajud!

Sa tinuod lang, gikapoy nako'g maayo
Gikapoy na ko sa paglantaw kanimo gikan sa layong dapit
Gikapoy na ko sa pag-ampo matag-adlaw na unta makit-an tika sa U-Cafe
Pero unsaon ta man, bisa'g unsaon ug bali-bali
Dili man gayud ako kapoyon ang akong kasing-kasing sa pag-amping kanimo.